Најмалку четири телевизии и 11 радио станици се принудени да прекинат со работа и да затворат поради нападите на радикалните талибански борци во јужен Авганистан.

Според „1ТВ њуз“, тоа се должи на офанзивата на Талибанците во Лашкаргах, главниот град на најголемата авганистанска провинција Хелманд.

Во Авганистан се одвиваат жестоки борби меѓу владините сили и талибанските борци кои ја презедоа контролата врз голем дел од селските региони и започнаа напади врз поголемите градови.

Минатата недела беше објавено дека борците стигнале до Херат, центарот на истоимената провинција во западниот дел на земјата и дека се борат во Лашкаргах.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.