Регионалната Влада во Мадрид денеска објави нови ограничувачки мерки насочени за намалување на бројот на заразени со коронавирус во таа област. Според Паис, наредбите на Владата ќе стапат на сила од понеделник. Новите мерки вклучуваат ограничувања на движењето, кои влијаат на луѓето во 37 основни здравствени области, од кои 26 се во шест области на градот Мадрид, а останатите во други општини во регионот Мадрид.

Регионалната лидерка Изабел Дијаз Ајузо рече дека ќе има ограничено движење во областа, вклучително и во градот Мадрид, области кои се најмногу погодени од вирусот, што може да загрози повеќе од 850.000 луѓе.

Таа наведе дека пристапот до паркови и јавни места ќе биде ограничен, како и собири до шест лица, но дека луѓето нема да бидат спречени да одат на работа.

Мораме да избегнеме карантин, мора да избегнеме економска катастрофа – рече Дијаз Ајузо на прес-конференција.

Во Шпанија, во четвртокот беа пријавени повеќе од 11.000 нови случаи на коронавирус, а 162 лица починаа.

Вкупно, досега повеќе од вирусот во Шпанија се заразија 625.000 луѓе, а 30.400 починале, покажуваат податоците на Министерството за здравство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.