Полската државна Комисија за борба против педофилијата побарала од Ватикан податоци за сексуално злоставување деца од страна на свештеници во Полска, бидејќи полската католичка црква одбила да ги обезбеди бараните информации.

Претседателот на комисијата, Блажеј Кмечак, информира дека околу 30 проценти од случаите на сексуален напад врз лица на возраст под 15 години што ги испитувала комисијата се поврзани со свештенството. Тој додаде дека и покрај писмените барања испратени оваа година до регионалните водачи на Полската католичка црква и другите цркви, само еден епископски суд ги доставил своите архиви на Државната комисија за случаи на педофилија.

Не добивме никакви документи или информации од Полската епископска конференција што би овозможила длабинска анализа на случаите што треба да ги разјасниме – изјави Кмечак на прес-конференција.

Затоа, Комисијата вчера испратила писмо до Ватикан со голем број прашања, вклучувајќи и колку случаи на наводен напад од страна на полски свештеници биле истражени во периодот 2000-2020 година, колку се прогласени за виновни, какви биле казните и колку свештеници се отстранети од црквата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.