Неколку полицајци во Њујорк и полицајци од округот Флинт во Мичиген клекнаа на улица со демонстрантите кои протестираа против смртта на Афроамериканецот Џeорџ Флојд. Полициските службеници сакале да покажат солидарност и да покажат дека не се за насилство.

Неколку полицајци во Њујорк клекнаа заедно со мирни демонстранти на тротоарот и му оддадоа почит на починатиот, пренесува Си-Ен-Ен.
Во видеото објавено на социјалните мрежи, може да се слушнат извиците на собраните „благодарам“, упатени до полицијата.

Демонстрантите потоа ја опколија полицијата и клекнаа со нив, додека пак еден од демонстрантите гласно ги изговора имињата на другите починати Афроамериканци.

Шерифот на округот Флинт во Мичиген, излезе без панцир и оружјеи исто така клекна пред демонстрантите, кои им рече: „Јас и моите луѓе ве сакаме“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.