Полицаец на Флорида е отпуштен од работа откако уапсил две шестгодишни деца минатата недела поради непримерно однесување во училиште, соопшти полицијата во Орландо.

Денеска кога дојдов на работа беше јасно дека не постои друго решение за да се поправи ситуацијата, освен да биде отпуштен полицискиот службеник, рече началникот на полицијата на Орландо.

Полицаецот Денис Тарнер ги уапсил децата во четвртокот, обвинувајќи ги за напад, рече главната обвинителка на Флорида, Арамис Ајала, која додаде дека началникот на полицијата и рекол оти нема намера да ги гони по службена должност и барал од неа да ги отфрли тие обвиненија.

Тарнер не барал дозвола за приведување на деца помлади од 12 години, на што бил обврзан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.