На украинските власти ќе им требаат околу 300 системи на повеќецевни ракетни фрлачи од западните земји, изјави советникот во кабинетот на украинскиот претседател Зеленски, Михаил Подољак, за британскиот весник „Телеграф“.

Подољак додаде дека во моментов околу 90 отсто од загубите во борбите се предизвикани од руската артилерија, која е значително посупериорна во однос на украинската, пренесува агенцијата Тасс.

Претходно, британски „Тајмс“ објави дека Велика Британија ќе испрати три системи на повеќецевни ракетни фрлачи М270, барем како првична испорака.

САД, од своја страна, ќе испорачаат најмногу 10 вакви системи на Украина, наведува руската агенција.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.