Германската полиција уапси 20-годишен Германец осомничен дека силувал и убил девојка (19) во градот Брамше.

Злосторството се случило во саботата навечер за време на забава за 18-ти роденден, пренесува Билд.

Имено, две девојчиња го прославија своето полнолетство во фестивалската сала во германскиот град Брамше. Околу 1.30 часот гостите забележале дека исчезнала 19-годишна девојка.

По долга потрага била пронајдена околу 2:40 часот на нива со тешки повреди. И покрај напорите за спасување, девојчето починало набргу по пристигнувањето во болница.

Страшното злосторство очигледно се случило додека забавата била во полн ек.

Полицијата и противпожарната единица пристигнале на местото на злосторството во ноќта меѓу саботата и неделата. Полициските сили го опколија просторот околу салата.

Обвинителот д-р Александар Ретемејер за Билд потврди дека осомничениот за делото е уапсен.

“Уапсен е во неговиот стан, не бил пијан. Гостите на забавата дале индиции за него. Се верува дека бил близок со жртвата”, рекол обвинителот.

Според него, наодите јасно укажуваат на сексуален престап, а на жртвата и била искината облеката.

Билд пренесува дека и двајцата биле гости на забавата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.