Седум партии, речиси 500 денови по парламентарните избори, утрово се согласија за формирање на владата на Белегија, која ќе се фокусира на справување со пандемијата на коронавирусот и економските последици.

На последните преговори меѓу либералите, социјалистите, зелените и демохристијаните од седум партии, кои траеја скоро 24 часа, беше договорен заеднички буџет, но прашањето кој ќе биде новиот премиер остана отворено.

-Големи политички пречки се зад нас и среќен сум што успеавме да направиме програма со седум партнери, рече претставникот на демохристијаните Серваис Верхерстрајтен.

Либералите беа претставени на преговорите од Александар Де Крум, а социјалистите од Пол Магнет.

Од изборите на 26 мај 2019 година, Белгија ја предводи привремена влада.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.