Хрватскиот премиер Андреј Пленковиќ денеска пристигна во Киев на средби со украинскиот претседател Володимир Зеленски, премиерот Денис Шмихал и претседателот на Врховната Рада Руслан Стефанчук, соопшти владата.

Премиерот Пленковиќ е придружуван од министерот за надворешни и европски работи Гордан Грлиќ Радман и Звонимир Фрка-Петешиќ, шеф на кабинетот на премиерот.

Хрватска знае како е да се биде под воена агресија и продолжува да обезбедува политичка, дипломатска, финансиска, хуманитарна, техничка и каква било друга можна поддршка на Украина, како и помош во грижата за украинските бегалци, соопшти хравтската Влада.

Украинскиот државен врв на средбите ќе го информира премиерот за последиците од уништувањето предизвикано од руските напади, а ќе се разговара и за натамошната помош и продолжување на европскиот пат на Украина.

Посетата на премиерот на Украина се случува во пресрет на Денот на Европа и е израз на солидарност и поддршка за украинските власти и пријателскиот украински народ, кои се жртви на бруталната руска агресија, се вели во соопштението на владата.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.