Папата Франциско е добро по операцијата на дебелото црево, објави Ватикан откако 84-годишниот поглавар на Римокатоличката црква беше хоспитализиран за прв пат откако беше избран во 2013 година.

Портпаролот Матео Бруни изјави дека Папата добро реагирал на операцијата, извршена под општа анестезија а за која Ватикан соопшти дека била претходно закажана и не била резултат на итен случај.

Бруни не даде дополнителни детали за операцијата, ниту за тоа колку траела, ниту пак кажа колку долго папата ќе престојува во Римската болница Гемели.

Папата беше опериран за симптоматска дивертикуларна стеноза на дебелото црево. Операцијата ја изврши медицински тим од 10 лица.

Ова е првпат папата Франциско да биде примен во болница откако беше избран во 2013 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.