Папата Франциск им нареди на кардиналите да ги намалат платите за 10 проценти и да им ги намалат платите на другите свештеници кои работат во Ватикан за да ги зачуваат работните места на обичните вработени, бидејќи пандемијата со Ковид-19 ги погоди приходите на Римокатоличката црква.

Ватикан денеска соопшти дека папата Франциск издаде указ и воведе пропорционално намалување почнувајќи од 1 април.

Портпарол истакна дека намалувањето нема да влијае врз вработените на пониско ниво.

Се претпоставува дека кардиналите кои работат во Ватикан и живеат таму или во Рим имаат месечна плата од околу 4.000-5.000 евра, многумина во големи станови со многу пониски кирии од пазарните.

За другите водачи на служби, главно свештеници, платите ќе бидат намалени меѓу три и осум проценти. Програмираното зголемување на платата ќе биде суспендирано до март 2023 година.

Одредбите нема да важат само за базиликата Свети Петар во Ватикан.

Централното раководно тело на Католичката црква, можеби ќе треба да користи 40 милиони евра од резерви втора година по ред, додека пандемијата ги намалува приходите, изјави претходно висок претставник од Ватикан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.