Папата Франциск денеска ги осуди луѓето кои пандемијата од коронавирусот ја користат за брза заработка, а посебно се осврна на „лицемерието“ на одредени политичари во пристапот кон кризата.

На самиот почеток од неговата утринска миса папата ги повика оние кои сакаат да заработат на човековата сиромаштија да направат пресврт во однесувањето.

Зборуваше и за „ оние кои во ова време на пандемија ја искористуваат незавидната положба на луѓето со потреби и им продаваат на мафијашите, на зеланшите и на другите“

Папата, исто така, кажа дека коронавирусот, што не ги штеди ниту богатите, ниту сиромашните, го разоткри лицемерието.

-Ме загрижува лицемерието на одредени политичари кои зборуваат за спротивставување на кризата, за проблемот со гладта во светот, но во меѓувреме произведуваат оружје, рече папата Франциск, не наведувајќи за кои политичари или земји станува збор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.