Соединетите држави се посветени на Западен Балкан, не само со зборови, туку и материјално, во смисла на инвестиции, политички ангажман и големо внимание што регионот го бара и го заслужува, вели Метју Палмер, висок претставник на Стејт Департментот, за „Гласот на Америка“

Заменик помошникот државен секретар на САД за Евроазија, Метју Палмер вели дека е „многу важно“ Соединетите американски држави да покажат посветеност на Западен Балкан, бидејќи во спротивно другите сили ќе го искористат празниот простор.

Ако не сме ниту ние ниту Европејците присутни таму, некој ќе го пополни тој простор. Ние сме таму и сме посветени на регионот, имаме блиски партнери и сојузници низ целиот Западен Балкан. Соединетите држави се посветени на Западен Балкан, не само со зборови, туку и материјално, во смисла на инвестиции, политички ангажман и големо внимание што регионот го бара и го заслужува, рече високиот претставник на Стејт департментот за „Гласот на Америка“.

Коментирајќи ја ситуацијата во Србија, тој вели дека е убеден оти српскиот претседател Александар Вучиќ е сериозен во неговата намера, Србија да стане членка на ЕУ, истакнувајќи дека САД тесно соработуваат со Србија како партнер и пријател за да ѝ помогнат во спроведувањето на потребните промени.

Но, потсетува дека е „многу е важно“ Вучиќ и премиерот на Косово, Албин Курти, да се вратат на преговарачката маса, да ги решат отворените прашања и „да тргнат кон договор за целосно нормализирање на односите, што, оптимално, ќе се заснова на меѓусебно признавање“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.