Пакистанскиот советник за национална безбедност рече дека земјата не може да прифати повеќе бегалци од Авганистан од неколку причини, вклучувајќи ги и финансиските тешкотии.

– Пакистан во моментов не може да прифати повеќе бегалци, изјави Моид Јусуф на прес-конференција во Исламабад. Тој истакна дека Пакистан веќе примил повеќе од 3 милиони авганистански бегалци кои избегале од војната и насилството во нивната земја во последните децении.

Јусуф рече дека Пакистан ќе се потруди да му помогне на Авганистан, но мора да се зголемат меѓународните напори за да се спречи хуманитарна криза. Тој ја повика меѓународната заедница да не ја повтори грешката со напуштање на Авганистан. Советникот за национална безбедност, исто така, предупреди дека ИД и другите борци, вклучително и пакистанските талибанци, можат да ја искористат ситуацијата.

– Не треба да размислувате многу за да разберете што ќе се случи. Ќе има безбедносен вакуум. Веќе знаете дека ИД е тука, пакистанските талибанци се тука, Ал Каеда е тука, рече тој, додавајќи дека овие групи се непријатели и на Пакистан и на Западот.

– Доколку Авганистан се дестабилизира, тоа ќе влијае на Пакистан, нагласи Јусуф

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.