Фриц фон Вајцзекер (59), син на поранешниот германски претседател Рихард фон Вајцзекер, е убиен на приватна клиника во Белрин.

Вајцзекер држел предавање за црниот дроб кога после 55-та минута од публиката скокнал човек и го избол.

Уште едeн маж, кој бил полицаец и кој приватно присуствувал на предавањето, бил исечен по рацете и горниот дел од телото.

Засега не се знае мотивот на нападот, но се претпоставува дека напаѓачот имал психички проблеми. Полицијата извршила претрес во неговиот стан, но не било пронајдено ништо сомнително. Подоцна во текот на денот бил однсен на психијатриска проценка после што ќе се донесе одлука за притворот.

Веднаш после нападот присутните брзале да му помогнат на Вајцезекер, но оживувањето било залудно. Убиецот го држеле додека не дошла полицијата.

Инаку, Вајцзекер од 2005 година бил главен лекар на одделението за Интерна медицина во приватната клиника „Шлоспарк“ во која е и убиен.

Неговиот татко од 1981 до 1984 година бил градоначалник на Берлин, а потоа од 1984 до 1994 година и претседател на Германија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.