Премиерот на Унгарија Виктор Орбан денес објави дека земјата може да ја започне првата фаза на олеснување на ограничувањата против Ковид-19 откако ќе се вакцинираат уште еден милион граѓани, пренесува „Ројтерс“.

Постојат добри шанси да нема епидемиолошки ограничувања ова лето“, рече унгарскиот премиер за државното радио, наведува агенцијата.

Орбан рече дека целта е што повеќе имунизирани лица да ја започнат економијата на земјата што е можно поскоро, која лани падна за 5,1 процент и дека досега се вакцинирани околу 1,5 милион Унгарци, и дека можат да започнат со мерките за олеснување кога тој број ќе се зголеми на 2,5 милиони, што е четвртина од вкупното население.

Орбан исто така повтори дека ја поддржува употребата на кинески и руски вакцини против Ковид-19, што неговата земја прва го стори во Европската Унија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.