По 60 години статус кво, три години научен преглед од СЗО и две години дипломатски дискусии, денес Обединетите Нации (ОН) конечно го повлекоа канабисот од Класа IV на Единствената конвенција – „класата за забрана“.

Ваквата класификација значи дека канабисот е повлечен од листата на хероинот и слични опасни наркотици, а со тоа му дадоа легитимност на неговите лековити својства, што дава поттик за милиони пациенти низ светот и е чекор напред на науката над политиката.

Како што пишува „Њујорк Тајмс“, гласањето на Комисијата за наркотични дроги, чие седиште е во Виена и вклучува 53 земји-членки, разгледа низа препораки од СЗО за преквалификација на канабисот и неговите деривати. Но, вниманието беше насочено кон клучната препорака за отстранување на канабисот од Класата IV.

Според експертските мислења, гласањето нема да има непосредно влијание врз олабавувањето на меѓународните контроли затоа што владите сепак ќе имаат надлежност за тоа како да го класифицираат канабисот. Но, многу земји бараат насоки кон глобалните конвенции, а признавањето на ОН е симболична победа за поборниците за промена на политиката за лекови, кои велат дека меѓународното право е застарено.

Ова е огромна, историска победа за нас, не може да се надеваме на повеќе“, рече Кензи Рибулет-Земули, независен истражувач за политика на лекови, кој внимателно ги следеше гласањето и позицијата на земјите-членки.

Тој рече дека канабисот се користел низ историјата за медицински цели и дека одлуката го враќа тој статус.

Промената најверојатно ќе ги зајакне медицинските истражувања и напорите за легализација низ целиот свет.

Гласањето беше „голем чекор напред“, признавајќи го позитивното влијание на канабисот врз пациентите, рече Дирк Хајтприем, потпретседател на Canopy Growth, канадска компанија за канабис. „Се надеваме дека ова ќе им овозможи на повеќе земји да создаваат рамки што ќе им овозможат на пациентите кои имаат потреба да добијат пристап до лекување“.

Канабисот за медицинска употреба растеше последниве години и производите што содржат деривати на канабис, како канабидиол или ЦБД – ја преплавија велнес индустријата. Коуен, компанија за инвестиции и финансиски услуги, проценува дека индустријата за ЦБД во САД ќе вреди 16 милијарди долари до 2025 година.

Препораките за промена на класификацијата на канабисот првпат ги даде Светската здравствена организација во 2019 година. Но, тие беа политички поделени, што доведе до невообичаени одложувања на гласањето на Комисијата на Обединетите нации.

Рекласификацијата помина од 27 до 25, со воздржаност од Украина. САД и европските нации беа меѓу оние кои гласаа „за“, додека Кина, Египет, Нигерија, Пакистан и Русија беа против.

Истовремено, Комисијата го отфрли предлогот за вклучување на ТХЦ-то во Конвенцијата од 1961 година.

Реновирањето на политиката за канабис, особено околу легализацијата за медицинска употреба, се одвиваше со брзо темпо во последните неколку години, рече Џесика Стајнберг, управен директор на Глобал Ц, меѓународна консултантска група за канабис.

Упатените во индустријата изразија надеж дека гласањето ќе го отвори теренот за повеќе истражувања за медицинските придобивки на лекот.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.