Две лица од меѓународен транспорт пристигнати во Нов Јужен Велс се позитивни на новата варијанта, потврдија здравствените власти

Двајцата меѓународни патници се во карантин во Нов Јужен Велс и се позитивни на новата варијанта Омикрон Ковид, со што станаа првите случаи во Австралија.

Резултатите дошле по итно геномско тестирање преземено од NSW Health во неделата, откако двајцата патници пристигнале во Сиднеј во саботата навечер.

Двата случаи, кои патувале од јужна Африка и слетале во Австралија со лет на Катар ервејс од Доха, се целосно вакцинирани и асимптоматски. Моментално се во изолација во посебно здравствено сместување.

Ова доаѓа откако властите признаа дека би било „невозможно“ да се спречи новата варијанта да влезе во Австралија. Некои држави сметаат дека ова може да влијае на повторното отворање на нивните граници, додека други ќе продолжат со олеснети ограничувања.

Премиерот на Нов Јужен Велс, Доминик Перотет, предупреди дека е „неизбежно“ нови варијанти да влезат во Австралија.

Јасно од денеска е дека пандемијата не е завршена – им рече премиерот на новинарите во неделата.

Постојат граници на она што државата и федералната влада можат да го направат: овие варијанти ќе влезат во земјата, тоа е неизбежно

Треба да научиме да живееме заедно со вирусот и да живееме заедно со различните видови на вирус што ќе ни се појават, а најдоброто нешто што можеме да го направиме е да се вакцинираме и да добиеме бустер дози 0- рече Перотет и додаде дека нема планови за промена на временската рамка за повторно отворање на државата, при што ограничувањата за невакцинираните ќе се олеснат на 15 декември.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.