Новинарка од германската телевизија РТЛ доби отказ откако непрофесионално и несовесно известуваше за подрачје погодено од поплавите што ја зафатија западна Германија.

Чистење по поплавата: Новинарка на РТЛ помага да се расчисти Бад Мунстерајфел“ – е насловот на телевизискиот прилог на репортерката Сузана Олен.

Но, наскоро се појави видео и од случаен очевидец, каде што се гледа како новинарката намерно се мачка со кал по лицето и облеката. Поплавите однесоа 128 животи во Германија.

Пристапот на нашиот репортер е во спротивност со нашите принципи и стандарди. Затоа ја отпуштивме посочената новинарка веднаш штом дознавме што сторила, се вели во соопштението на телевизијата.

Новинарката е отпуштена. РТЛ се извини за потезите на својата доскорешна вработена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.