Во Техеран, главниот град на Иран, убиен е полковник на иранската револуционерна гарда.

Иранската револуционерна гарда соопшти дека полковникот Хасан Саџад Ходајари бил нападнат во близина на неговата куќа во Техеран додека излегувал од автомобилот. Кон него биле испукани пет куршуми, од кои три го погодиле во главата.

Напаѓачите биле на мотор, а по атентатот побегнале.

ИРНА објави дека Ходајари бил „бранител на светилиштето“, термин што се користи за членовите на гардата кои дејствуваат во Сирија и Ирак.

Ниту една организација досега не ја презеде одговорноста за убиството



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.