Секој ден нов гаф – американскиот претседател, Џо Бајден, повторно со нов лапсуз. Ги помеша Камбоџа и Колумбија. Па така Камбоџа – која е домаќин на меѓународен самит предводен од лидерите од Југоисточна Азија, ја нарече Колумбија. Тој на состанокот во Пном Пен, Бајден го нарече премиерот на Камбоџа премиер на Колумбија.

„Сега, кога сме повторно заедно овде во Камбоџа, со нетрпение очекувам да надградиме уште поголем напредок отколку што веќе сме постигнале, и сакам да му се заблагодарам на премиерот на Колумбија за неговото лидерство како претседавач со АСЕАН и за гостопримливоста“, рече Бајден, пренесува Ројтерс.

Бајден, кој ќе наполни 80 години на 20 ноември, оваа недела изјави дека има намера повторно да се кандидира во 2024 година, а конечната одлука најверојатно ќе биде донесена на почетокот на следната година.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.