Норвешка следната недела ќе објави построги мерки за спречување на ширењето на корона вирусот по неодамнешното зголемување на бројот на нови заразени..

Гледаме како инфекцијата се шири на многу места. Ова е загрижувачко. Затоа, ние веќе најавуваме дека националните ограничувања ќе бидат засилени следната недела. Мерките ќе бидат насочени кон областите каде што сега се шири инфекцијата – изјави норвешката премиерка Ерна Солберг.

Иако случаите растат и властите се загрижени, ситуацијата во Норвешка е помалку драматична отколку во другите делови на Европа.

Норвешка во моментов има второ најниско ниво на инфекција во Европа, по Естонија.

Кумулативниот број на случаи на Ковид-19 во период од 14 дена на 100.000 жители, според Европскиот центар за превенција и контрола на болести, изнесува 36,6.

Како што пренесуваат агенциите, постојат големи разлики во различни области на земјата, иако властите се најмногу загрижени за ситуацијата во Осло, каде што е задолжително да се носат маски во јавниот превоз кога е невозможно да се одржи дистанца.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.