Најмалку 51 дете и тројца воспитувачи се повредени во градинка во југозападна Кина, откако напаѓач ги испрскал со натриум-хидроксид. Две лица се тешко повредени.

Според кинеската новинска агенција Синхуа, инцидентот се случил вчера попладне по локално време, во провинцијата Јунан.

Напаѓачот (23), идентификуван како Конг, уапсен е еден час по нападот. Полицијата соопшти дека со овој напад тој сакал да се „одмазди на општеството“.

Натриум-хидроксид, познат и како „каустична сода“ или „камена сода’, се користи за производство на голем број производи, меѓу кои и сапун, хартија и различни бои. Изложеноста на „камена сода“ може да доведе до изгореници или иритација на очите и кожата, а можни се и алергиски реакции.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.