Најмалку три лица ги загубија животите во пожарите во Австралија, додека противпожарните служби се борат да го спречат ширењето на огнот и предупредат на „катастрофалните“ услови што следуваат, а ќе го опфатат и подрачјето околу најголемиот град Сиднеј.
Во пожарите досега се уништени најмалку 150 куќи.

Локалните власти денеска го засилија предупредувањето дека на поширокиот регион на Сиднеј му се заканува пожар.

Противпожарната служба на Нов Јужен Велс предупреди дека се очекуваат високи температури, силен ветер и ниска влажност.

Во државата е прогласена рекордна бројка на пожари, при што околу половина од повеќе од 70 пожари кои горат во Нов Јужен Велс се уште не се под контрола.

Во Квинсленд горат повеќе од 50 пожари, а илјадници жители се евакуирани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.