Најмалку осум работници загинаа во пожар во фабрика за пластика во близина на главниот град на Бангладеш, Дака.

Седум лица починале во болница откако биле примени со сериозни изгореници, информира лекар од болницата во Медицинскиот колеџ во Дака.

Пожарникарите го пронашле телото на осмиот работник во просториите на фабриката откако го изгаснале пожарот.

На пожарникарите им биле потребни два часа да го совладаат пожарот во кој биле повредени најмалку 35 работници кои се обиделе да ги изгаснат пламените со противпожарни апарати инсталирани во еднокатната фабрика покриена со лим.

Пожарот најверојатно бил предизвикан од шпорет на плин и брзо се проширил откако дошол во контакт со запаливи материи кои се користат за пластични производи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.