Холандските власти открија присуство на многу заразен сој на птичјиот грип на една живинарска фарма во северниот дел на земјата.

Како резултат на заразата, околу 170.000 кокошки ќе бидат уништени за да се спречи натамошното ширење на инфекцијата.

Околните фарми во провинцијата Северна Холандија ќе бидат затворени додека се вршат тестирањата за вирусот Х5Н1 и додека не се утврди дали инфекцијата се проширила – се вели во соопштението на холандското Министерство за земјоделство.

Од избувнувањето на оваа заразна болест во 2021 година во Холандија беа убиени стотици илјади кокошки, патки, мисирки и десетици диви птици.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.