Кремљ објави дека Русија и САД имаат приближен датум и време за видеосамит на рускиот претседател Владимир Путин и американскиот претседател Џо Бајден во наредните денови, но Москва чека Вашингтон да го финализира тоа.

Советникот на Кремљ, Јуриј Ушаков, соопшти дека Путин планира да му достави на Бајден предлог за безбедносни гаранции со кој ќе запре ширењето на НАТО на исток и ќе му се стави крај на она што Москва го нарекува закана со распоредување оружје кај соседите на Русија, вклучително и Украина.

Со оглед на тензичната ситуација, итно е потребно да ни се дадат соодветни гаранции. Вака едноставно не може – изјави Ушаков.

САД, нивните сојузници во НАТО и Украина ја обвинуваат Москва дека трупа војници во близина на украинската граница, а Киев вели дека стравува од руски напад.

Москва ги отфрла обвинувањата дека планира инвазија на Украина и го обвинува Киев дека ги зајакнува сопствените сили за напад врз територијата што ја држат проруските сепаратисти.

Русија со недели повикува на разговори на високо ниво со САД, барајќи правно обврзувачки безбедносни гаранции од Западот.

Русија не е агресивна долж границата со Украина. Тоа е глупост, нема ескалација. Ние имаме право да распоредуваме војници на сопствената територија, нема апсолутно никаква ескалација (од наша страна) – изјави Ушаков.

Тој вели дека разговорите меѓу Бајден и Путин нема да се одржат пред патувањето на Путин во Индија следната недела.

Имаме конкретен датум и време за оваа видеоконференција. Мислам дека е подобро да се причекаат Американците за конечен договор. Но оваа средба во формат на видеоконференција се подготвува доста активно – информира Ушаков.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.