За мапата на Турција во која се вклучени дел од грчките острови со која се фотографираше претседателот на Партијата за националистичко движење Девлет Бахчели на средбата со Сивите волци, грчкиот премиер Кирјакос Мицотакис бара одговори од турскиот претседател Реџепт Таип Ердоган за позицијата на неговиот коалиционен партнер, јави дописничката на МИА од Атина.

Мицотакис преку „Твитер“, ја објави фотографијата со конкретната мапа и на англиски праша дели тоа е „делириум на екстремистите или официјална политика на Турција?“, но и дали е „уште една провокација или вистинска цел?“

Добро погледнете ја оваа мапа. Крит, Родос, Лезвос, Хиос, Самос сите апсорбирани од Турција. Делириум на екстремистите или официјална политика на Турција? Уште една провокација или вистинска цел? Претседателот Ердоган мора да ја разјасни неговата позиција за последните лудории на неговиот помал коалиционен партнер, напиша Мицотакис на „Твитер“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.