Германската канцеларка Ангела Меркел и министерот за здравство Јенс Шпан повикаа на поголема вакцинација на населението поради брзото ширење на делта сојот на коронавирусот.

На последниот состанок на врвот на ЦДУ, пред летната пауза во Берлин, Меркел рече дека мора да се достигне стапка на вакцинација од 80 проценти.

Според германските медиуми, Шпан изјавил дека темпото на вакцинација се намалува.

Тој рече дека термините во центрите за вакцинација остануваат празни.

Со цел да се поттикне вакцинацијата, Шпан изјави дека би било добро да се поврзе со активностите на граѓаните, како што се посетите на стадионите.

Според него, мора да има разлика меѓу вакцинираните и оние кои не се вакцинирани.

Институтот Роберт Кох соопшти дека до вчера вкупно 56,5 проценти од германското население е вакцинирано со најмалку една доза вакцина, а 38,9 проценти од Германците се целосно имунизирани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.