Белорускиот претседател, Александар Лукашенко, денеска изјави дека доколку мировниците на НАТО дојдат во Украина, постои опасност од Трета светска војна и во тој случај Белорусија нема да остане на страна.

– Гледате дека овие Полјаци полудеа, тие веќе предлагаат, го поканија (американскиот претседател Џозеф Бајден) од преку океанот, а сега му ја полнат главата за да создадат мировни сили од 100.000 луѓе и да ги донесат во Украина преку Лавов. Разбирате дека тоа е Трета светска војна. И што мислите, дека Белорусија ќе остане на страна и ќе биде толку префинета – рече Лукашенко, пренесува белоруската агенција Белта.

Полска повика на воведување мировни сили на НАТО во Украина, за што на 16 март зборуваше полскиот премиер Матеуш Моравјецки.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.