Парламентот на Холандија попладнево беше накратко евакуиран откако се покажа дека заканата за бомба била лажна.

Холандската полиција во четвртокот објави дека тим за експлозиви истражува „сомнителна ситуација“ во зградата во која се наоѓа националниот парламент во Хаг, и ја расчистила областа околу зградата и им наредила на луѓето да ја напуштат областа.

По околу еден час полицијата им дозволила да се вратат во зградата. Антиисламскиот пратеник во холандскиот парламент Герт Вилдерс изјави дека лажната бомба била наменета за него и дека тоа е причината за евакуацијата.

Во мојата канцеларија во парламентот беше доставен пакет со плишано мече и жици“, напиша Вилдерс на Твитер. „За среќа немаше експлозив и не беше опасно, но не беше ниту забавно“, додаде тој.

Партијата на слободата на Вилдерс (екстремната десница) стана втора најсилна во земјата, а самиот Вилдерс со години живее под строги безбедносни мерки бидејќи добивал смртни закани.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.