Шефот на руската дипломатија Сергеј Лавров денеска изјави дека Москва сигурно ќе одговори ако САД воведат санкциите кон Москва поради осудениот опозиционер Алексеј Навални.

Ќе им одговориме без грешка. Едно од основните правила на дипоматијата е реципроцитетот. Нема поента да коментирам таков чекор. Неколку пати повторивме што мислиме за нелегитимните еднострани санкции што ги планираат американските колеги, а кои се без основа. Тоа практично секогаш се случува, а потоа Европската Унија ги следи чекорите на САД – истакна Лавров.

Тој додаде дека САД немаат ништо да кажат за тврдењата за наводното труење на Навални.

Сите што го лекуваа (Навални) ги кријат информациите кои би помогнале да сфатиме што навистина се случи. Наместо искрена соработка, тие почнуваат нас да не казнуваат. Нека им служи на чест – посочи Лавров.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.