Најмалку седум лица загинаа вчера во две одделни лавини во областа Савој на француските Алпи, соопштија локалните власти.

Првата лавина се случи околу пладне во областа каде што се наоѓа ски-центарот Валоре, кога според властите загинаа четворица планинари на возраст од 42 до 76 години.

Во втората лавина во подножјето на врвот Пури загинаа уште три лица, додаваат властите на областа.

Властите во областа Савој, кој се граничи со Италија, ги повикаа планинарите, скијачите и останатите лица да бидат претпазливи, наведувајќи дека благите временски услови, како што се евидентирани сега по обилните снежни врнежи минатата недела, може да предизвикаат лавини, пренесува АП.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.