Русија верува дека украинскиот претседател Володимир Зеленски може да стави уште утре крај на војната во Украина.

„Зеленски знае кога војната би можела да заврши. Може да заврши утре ако сака“, изјави портпаролот на Кремљ, Дмитриј Песков.

Кремљ долго време порачува дека Украина мора да ги прифати руските услови за прекин на војната, која сега трае веќе десет месеци. Русија побара Киев да го признае Крим и другите окупирани територии како дел од Русија.

Зеленски и другите украински официјални лица постојано ги отфрлаа тие услови и рекоа дека војната ќе заврши кога Украина ќе ги ослободи окупираните територии или кога руските сили ќе се повлечат.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.