Турскиот претседател Таип Ердоган рече дека турската влада се надева дека ќе и ја „скрши кичмата“ на високата инфлација во земјата на почетокот на 2023 година.

Годишната инфлација во Турција забави во ноември за прв пат по една и пол година – на 84,39 отсто од 85,51 отсто во октомври, објави претходно Националниот институт за статистика (ТУИК). Зголемувањето на потрошувачките цени во ноември, според податоците на агенцијата, изнесува 2,88%.

Чекор по чекор го решаваме прашањето за трошоците за живот и инфлацијата што е на дневен ред на сите, вклучително и Европа и Америка. Благодарение на мерките што ги презедовме, се надеваме дека ќе го скршиме ‘рбетот на инфлацијата на почетокот на следната година – рече Ердоган во видео пораката до учесниците на самитот и програмата на групата Money Talk.

Според турскиот лидер, нивото што земјата го достигна во одбранбената индустрија за кратко време стана „една од гордоста на нацијата“.

Во 2002 година извозот на производи од одбранбената индустрија изнесуваше само 248 милиони долари, а лани го срушивме рекордот – 3 милијарди 224 милиони долари. Годинава очекуваме извоз од над 3 милијарди долари. Од оружје и муниција до ракети, од беспилотни летала, копнени и поморски возила до хеликоптери и бродови – ние ги дизајнираме, произведуваме и развиваме системи што ни се потребни во широк опсег во земјата и на национално ниво – рече Ердоган, како што е соопштено од РИА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.