Кинa продолжува да гради монтажни болници за сместување на заразените со корона вирус и само во последните пет дена поставила специјализирана медицинска установа со 1.500 соби во северниот дел на земјата.

Болницата се наоѓа во градот Нангонг.

Во наредните денови, Владата планира да изгради уште шест слични болници со капацитет од околу 6.500 соби.

Површината на една стандардна просторија е 18 квадратни метри. Секоја соба има вентилација и греење, посебна бања и пристап до Интернет.

Според официјалните податоци, во провинцијата Хебеј има зголемување на заразата со корона вирус во последните две недели.

Во моментов, околу 850 заразени лица се хоспитализирани во регионот – околу 650 пациенти со кашлица и треска и околу 200 асимптоматски носители на вирусот.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.