Кина воведе изолација на еден град на северот и почна голема кампања на тестирање во друг град близу руската граница, по откривањето по еден случај на коронавирус во двата града.

Во Донгнинг станува збор за 40-годишен маж кој работи во пристаништето, додека во Суифенхеу е 39-годишен работник во комерцијалната увозно-извозна зона, наведоа властите.

Властите во Донгнинг соопштија дека го ставаат градот во своевидна вонредна состојба – целиот сообраќај е прекинат, секој што сака да го напушти градот мора да приложи негативен тест, направен во последните 24 часа.

Училиштата се затворени, а рестораните можат да продаваат само храна за носење. Во најризичните зони, само едно лице од секое домаќинство може да излегува секој втор ден, најмногу два часа за да купи неопходни продукти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.