Севернокорејскиот лидер Ким Џонг Ун за време на изложбата на системот за оружје рече дека ќе изгради „непобедлива“ армија и ги обвини САД дека создаваат тензии и не преземаат ништо за да докажат дека немаат непријателски намери кон Пјонгјанг, објавија денеска севернокорејските медиуми.а Ким рече дека неговиот обид да изгради таква армија не е насочен кон Јужна Кореја и дека не треба да има нова војна во која корејскиот народ ќе се бори еден против друг.

Ким во понеделникот одржа говор на изложбата за развој на одбраната „Самоодбрана-2021“, организирана по повод 76-годишнината од основањето на владејачката Работничка партија, објави Бета.

Изложбата на ново оружје, меѓу другото, презентираше интерконтинентални балистички ракети што Северна Кореја веќе ги тестираше или демонстрираше за време на воената парада.

Соединетите држави честопати велеа дека не се непријателски настроени кон нашата земја, но нема докази базирани на дејствија што би не убедиле дека не се непријателски, рече Ким, пренесе севернокорејската агенција КЦН.

Тој рече дека Вашингтон продолжува да создава тензии во регионот со своите погрешни проценки и постапки.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.