Во Франција 30 милиони луѓе примија барем една доза вакцина против коронавирус, изјави премиерот Жан Кастекс, кој повика на продолжување на борбата против вирусот.

Целта е постигната! Ви благодарам на сите што се мобилизирате за вакцинирање, напиша Кастекс на Твитер.

Властите очекуваа следната недела да се надмине прагот од 30 милиони вакцинирани лица.

Меѓутоа, француските власти предупредуваат дека подобрената состојба, постепеното укинување на ограничувањата, не смеат да ја „намалат будноста“ на граѓаните кон коронавирусот.

Во земјата се отворени рестораните, како и спортските сали и базени,а полицискиот час почнува подоцна, од 23 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.