Обединетите нации се уште немаат добиено доказ дека принцезата Латифа, ќерката на владетелот на Дубаи, шеикот Мохамед ибн Рашид ал-Мактум, е жива.

Принцезата Латифа Ал Мактум во 2018 година се обиде да побегне од земјата, но при бегеството беше фатена и приведена и оттогаш е недостапна за јавноста, пишува Би-Би-Си.

Кралското семејство од Дубаи соопшти дека принцезата Латифа е „згрижена дома“, само еден ден откако Би-Би-Си ги објави снимките во кои принцезата го обвинува својот татко, владетелот на Дубаи, дека ја држи во заложништво.

Таткото на принцезата Латифа, шеикот Мухамед ибн Рашид ал-Мактум, владетелот на Дубаи и премиерот на ОАЕ, е еден од најбогатите владетели во светот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.