Италијанската Влада размислува за продолжување на вонредната состојба во услови на пандемија на коронавирус до 31 јануари, објавија „Ил Месагеро“ и „Кориере дела Сера“.

Како што пренесуваат медиумите, сегашните мерки се очекува да бидат продолжени поради зголемениот број заразени со Ковид-19 на национално и глобално ниво.

Италија ја воведе шестмесечната национална вонредна состојба во јануари, а подоцна ја продолжи од јули до крајот на октомври.

Италијанскиот премиер Џузепе Конте неодамна изјави дека земјата ќе се соочи со уште една блокада за да се ограничи пандемијата и дека владата ќе преземе други ограничувања.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.