Канадските власти соопштија дека 46 лица се пренесени в болница по истекување на јаглероден моноксид во хотел во градот Винипег, во провинцијата Манитоба.

Најмалку 15 од повредените се наоѓаат во критична состојба.

Началникот на противпожарната служба во Винипег, Џон Лејн изјави дека специјални екипи веднаш биле повикани откако се вклучил автоматскиот аларм за тревога. Според него, во моментот на инцидентот во хотелот се наоѓале 52 лица, меѓу кои и персоналот.

Концентрацијата на јаглероден моноксид во хотелот десет пати го надминала опасното ниво. По соопштението за инцидентот, веднаш бил прекинат дотокот на гас во зградата на хотелот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.