Холандија воведува нови мерки во обид да го стави под контрола вториот бран на ширење на корона вирусот, а дел од тие мерки е тоа што на голем број жители за првпат ќе им биде препорачано да носат маска и во продавници.

Во споредба со соседните земји, Холандија досега одбиваше да воведе строги ограничувања, но оваа недела се регистрираат речиси 3.000 новозаразени на ден. Новите мерки ќе траат најмалку три недели.

Правиме најдобро што можеме, но на вирусот му оди уште подобро – изјави министерот за здравство Хуго де Јонг.

Премиерот Ханс Руте соопшти дека ситуацијата во трите најголеми града Амстердам, Ротердам и Хаг станала многу сериозна и затоа е потребна акција.

Од денеска, на луѓето им се советува да ги избегнуваат сите несуштински патувања меѓу овие градови, рестораните и баровите ќе треба да затворат до 22 часот, а носењето маска ќе биде задолжително и во продавници, не само во јавен превоз. Исто така, луѓето се советуваат да работат од дома ако можат.

Во почетокот на епидемијата, Холандија усвои стратегија на „интелигентен карантин“ и не го затвори јавниот живот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.