Лидерот на либанското движење Хезболах, Саид Хасан Насралах, предупреди дека терористичката организација Исламска држава има за цел да ги разгори тензиите и да го внесе Авганистан во граѓанска војна.

Изјавата следи неколку дена откако десетици лица загинаа и беа ранети во напад на ИСИС врз џамија во северниот авганистански град Кундуз.

Саид Хасан Насралах го осуди нападот врз џамијата и нагласи дека сторителот е „ДАЕШ, вахабистичката терористичка организација“.

Насралах изјави дека „работата на ДАЕШ денес е да создаде состојба на внатрешни превирања што ќе доведат до граѓанска војна во Авганистан“, нагласувајќи ја одговорноста на авганистанските власти да ги заштитат своите граѓани, без оглед на бојата или кастата.

Лидерот на Хезболах, исто така, побара од либанската влада да даде приоритет на справувањето со кризата со електрична енергија, ставајќи ја на врвот на својата агенда на следната седница, заедно со разговорот за ветото на САД, што попречува внатрешно решавање на ова прашање.

Тој ја повика либанската влада да побара изземање од САД.

Дозволете им на либанските компании да купуваат дизел гориво од Иран – побара Насралах.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.