Патниците кои чекале лет на аеродромот Сантос Думот во Рио де Женеиро, вчера ги изненадиле порографски снимки на екраните за огласување.

Вест за хакирањето на аеродромскиот систем набрзо се проширила по социјалните мрежи со експлицитни фотографии на екраните на аеродромот.

„Се чини дека денеска многу луѓе ќе го пропуштат својот лет“, се пошегувал еден од корисниците на социјалните мрежи. „Добредојдовте во порнодромот Сантос Думонт“, напишал некој друг на Твитер.

Државната компанија Инфраеро која управува со аеродромот , соопшти дека биле хакирани екраните за реклами, а не оние со информации за летовите и дека одговорноста е на друга компанија.

И додека за повеќето од корисниците на социјалните мрежи овој инцидент е смешен, дел од патниците што се затекнале на аеродромот, посебно оние што патувале со деца, биле шокирани од пропустот на одговорните.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.