Генералниот секретар на ООН, Антонио Гутереш смета дека руските вакцини против Ковид-19 треба да играат многу важна улога во борбата против пандемијата и се надева дека Светската здравствена организација (СЗО) наскоро ќе ги одобри.

Единствениот услов што го имаат ООН во врска со вакцините е да можеме да ги користиме само доколку се одобрени од СЗО. Знам дека во овој момент има контакти меѓу руските власти и СЗО, се надевам дека преку нив на најбрз можен начин ќе се одобрат и ќе биде признаена ефективноста на руската вакцина – вели Гутереш во интервју за ТАСС.

Генералниот секретар на ООН исто така смета дека е важно имунизацијата да биде достапна за секого и насекаде.

Руската вакцина може да биде корисна во многу мисии на ООН, во некои чувствителни делови на светот, каде ќе ни требаат вакцини за нашиот персонал и населението на кое му помагаме во мировните операции – додаде Гутереш.

Во септември 2020 година, рускиот претседател Владимир Путин за време на говорот во Генералното собрание на ООН изјави дека Русија е подготвена на ООН бесплатно да им ја испорача својата вакцина „Спутник 5“, наведува агенцијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.