Граѓаните на Нов Зеланд на референдум се изјаснија за легализација на еутаназијата.

Според првичните резултати, 65,2 отсто од граѓаните го поддржале Законот за еутаназија, со кој им се овозможува на смртно болните луѓе, кои немаат повеќе од шест месеци живот да умрат со асистенција, ако тоа го одобрат двајца лекари.

Предвидено е Законот да стапи во сила во ноември 2021 година. Закон за еутаназија имаат Канада и Холандија.

Од друга страна, пак, граѓаните на Нов Зеланд на референдум се изјаснија против легализација на марихуана во рекреативни цели.

Околу 53 проценти од граѓаните гласале „против“, а 46 се изјасниле „за“ легализација на марихауната.

Рекреативната употреба на марихауаната е легализирана или декриминализирана во Канада, Јужна Африка, Уругвај, Грузија и неколку американски сојузни држави.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.