Последниот Евробарометар посветен на расположението на граѓаните на ЕУ за вакцинирање покажува охрабрувачки резултати освен кај одредени категории, јави дописничката на МИА од Брисел.

На крајот на мај 75 отсто од граѓаните на ЕУ изјавиле дека вакцините се единствен начин да се стави на крај на пандемијата од Ковид-19, додека 69 отсто се веќе вакцинирани или сакаат да бидат што побрзо, додека 79 отсто рекле дека ќе се вакцинираат до крајот на оваа година, покажува европската анкета на јавното мислење.

Сепак, Евробарометарот нотира дека лицата под 45-годишна возраст покажуваат поголем отпор кон вакцинацијата, што е можно да се должи на фактот што тие имаат и помал ризик да развијат тешка форма на болеста.

Помалку од половина од граѓаните (49 отсто) се задоволни од начинот на кој Европската Унија ја менаџира вакцинацијата, а 45 отсто не се задоволни. Граѓаните се уште покритични кон сопствените национални власти во овој дел.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.