Градоначалникот на Њујорк, Бил де Блазио, побара од американската администрација денеска поголема медицинска опрема за борба против Ковид-19 истакнувајќи дека бројот на смртни случаи во тој град, епицентар на епидемијата во САД, ќе се зголеми доколку помошта не пристигне до недела.

Де Блазио, им се придружи на голем број официјални претставници незадоволни од одговорот на Вашингтон на кризата.

– Ако не добиеме федерална помош во растечката криза, ние сме во опасност да започнеме да ги губиме животите што би можеле да ги спасиме. Недела е Ден Д, потребна ни е помош до недела, истакна Де Блазио.

Болниците во Њујорк се полни со заразени од коронавирусот.

Во државата Њујорк, пријавени се скоро половина од 141.883 потврдени случаи во САД и повеќе од една третина од 2.477 смртни случаи на национално ниво.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.