Италијанскиот политичар Масимилиано Федрига, член на „Северна лига“, партијата која се противи на задолжителната имунизација, доби сипаници поради што мораше да мине четири дена во болница.

Вакцинирање против дифтерија, тетанус, детска парализа, но и големи и мали сипаници и заушки се задолжителни во Италија за упис на дете во градинка или училиште.

Добро сум, дома сум и се опоравувам. Се заблагодарувам на сите, напиша 38-годишниот Федрига на социјалните мрежи откако излезе од болница.

Федрига, кој е гувернер на северната област Фриули-Венеција Џулија, пред две години беше жесток противник на воведувањето задолжителна вакцинација против 12 болести, меѓу кои и сипаници.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.